लड्डुकम्

    मानवाः वयं सर्वे भोजनप्रियाः। भोजनेषु बहुषु सत्सु स्वादु अथवा मिष्टानि भक्ष्याणि सर्वेभ्यः प्रियतमानि। मिष्टभक्षणेषु लड्डुकानि तावत् सर्वेभ्यः रोचन्ते। तदधिकृत्य अहमेकं श्लोकमेकं व्यरचयम्। अत्रायं श्लोकः-                            

                                                                              

             पिष्ठं नीरे मृदितचणकं पूरितं रन्ध्रदर्व्यां

बिन्द्वाकारं कणकणमयं भर्जितं भ्राष्ट्रपात्रे।

गोलं कृत्वा गुढमधुरसैः वर्तुलाकारतुल्यं

             मात्रा दत्तं वयमनुदिनं लड्डुकं खादयामः॥