एतानि उपरि (पूर्वं) सूचितानि इतिहासवचनानि सर्वाणि मानवान्
उत्तममार्गं प्राप्तुं प्रणुदन्ति। विना संस्कृतभाषाप्रभावेन न किञ्चिदपि शास्त्रं
वा ज्ञानं वा द्रष्टुं शक्यते। वैद्यशास्त्रे चरकसंहिता सकलदेशपण्डितैः अतीव
प्रस्तूयते। भरतमुनेः नाट्यशास्त्रं गीत, वाद्य, नृत्यकलाकाराणां मार्गदर्शि भवति।
संस्कृतगणितशास्त्रज्ञस्य आर्यभट्टस्य O इति पूज्यमिति संख्यावाचकं सर्वगणितशास्त्रज्ञानां
कृते ज्ञानधनकोषभूतमस्ति। सङ्गणकशास्त्रे (Computer Science) पाणिनिमहर्षिणा
कृता अष्टाध्यायी अविनाभावभूता अस्ति॥
संस्कृतसाहित्येषु
बहूणि महाकाव्यानि असंख्यकानि सन्ति। तत्र नगराणि, समुद्राः, पर्वताः, चन्द्रोदयः,
सूर्योदयः, षड्विध-ऋतुवर्णनानि, शत्रूणां निग्रहः, राज्यपरिपालन आलोचना,
राजपुत्रजन्म, विवाहः इत्यादयः संयक् मधुरतया वर्णिताः विराजन्ते। मानो हि महतां
धनम्, वसुधैककुडुम्बकम्, हेम्नः संलक्ष्यते ह्यग्नौ विशुद्धिः श्यामिकाऽपि वा, एको
हि दोषो गुणसन्निपाते निमज्जतीन्दोः किरणेष्विवाङ्कः, हितं मनोहारि च दुर्लभं वचः,
शरीरभाजां भवदीयदर्शनं व्यनक्ति कालत्रितयेऽपि योग्यताम् इत्यादीनि नीतिबोधकानि
वचनानि अतीव प्रसिद्धानि॥
No comments:
Post a Comment