संसारेऽस्मिन्
अस्माकं सर्वेषां जननं तावत् अस्मत्पुण्यपापा-नुसारमेव अजायत। एतस्मिन् जन्मनि
अस्माकं जीवनं सुखेन यापनार्थं विविधमार्गेषु बहुधा प्रयत्नं कुर्वन्तः स्मः।
तादृशमार्गेषु भक्तिभावनया कामपि देवतामुद्दिश्य उपवासादि-व्रतानि, पूजादयश्च
भवन्ति। तादृशव्रतेषु श्रीवरलक्ष्मीव्रतम् अन्यतमं भवति। तदधिकृत्य किञ्चित्
जानीमः-
1.
श्रीवरलक्ष्मीव्रतम् नाम श्रीमहाविष्णोः पत्नीं
श्रीमहालक्ष्मी- मुद्दिश्य क्रियमाणं व्रतम् भवति।
2.
एतत्-श्रीवरलक्ष्मीव्रतं प्रतिसंवत्सरे ग्रीष्मर्तौ कर्कटकमासे
(आषाढमासे) पौर्णमास्याः पूर्वस्मिन् शुक्रवासरे सर्वैः विशेषेण अनुष्ठीयते। शार्वरी
नाम संवत्सरे, दक्षिणायने, ग्रीष्मर्तौ, कटकमासे, शुक्लपक्षे (आषाढमासे) मूलानक्षत्र-युक्ते
अस्मिन् दिने (31.07.2020) शुक्र(भृगु)वासरे,द्वादश्यां शुभतिथौ अर्थात् अद्य महता वैभवेन अभिनन्द्यते।
3.
श्रीमहालक्ष्मीः अष्टविधैश्वर्याणां, नवविधनिधीनां,सौवर्ण्य-सौभाग्य-सौमाङ्गल्यादीनां
च स्वरूपिणी विराजते। अनेन श्रीमहालक्ष्मीः दारिद्र्यनाशिनी इति च स्तूयते।
4.
अस्मिन् दिने जनाः सर्वे, विशिष्य स्त्रियः,
प्रातःकाले, अभ्यङ्गस्नानं कृत्वा, शुद्धात्मना दैनन्दिनपूजादीन् समाप्य, वरलक्ष्म्याः प्रतिकृतिरूपामेकां प्रतिमां
प्रकल्प्य विविधाभिः मालादिभिः अलङ्कृत्य श्रीमहालक्ष्मीमहिम्नः स्तोत्रादिकं
पारायणं च कृत्वा श्रीमहालक्ष्मीं पूजयन्ति।
5.
स्वकीयं गृहं प्रति आगतवद्भ्यः सर्वाभ्यः महिलाभ्यः
ताम्बूलादिकं स्वादुभक्षणानि च वितरणं कृत्वा मोदन्ते।
अतः वयं सर्वे
श्रीमहालक्ष्मीं स्तुत्वा दारिद्र्यतां
दूरीकृत्य सकलविध-सौभाग्य-सौमाङ्गल्यादींश्च प्राप्त्वा सुखं जीवामः॥
No comments:
Post a Comment