मनुष्याणां
जीवने बहुवस्तूनि परमप्रयोजकानि सन्ति। तेषु नारिकेलमन्यतममस्ति। नारिकेलं जीवने
प्रतिदिनं बहूपकारमस्ति l तद्विषयमधिकृत्य किञ्चित् जानीमः-
1. नारिकेलवृक्षाणां
पर्णानि संस्पृश्य पवनः मलयमारुतवत् शीतः
वाति। सायङ्कालसमये एतत् सुखानुभूतिं
जनयति॥
2. नारिकेलवृक्षाणां
पर्णानि कुटीरनिर्माणे वेष्टनाय उपयुज्यन्ते।
अनेन अर्थव्ययः लघूक्रियते॥
3. नारिकेलपानं शरीरस्य आरोग्यदायकं भवति। अनेन दाहशान्ति-
रपि जायते।
पुष्टिकरं भवति॥
4. प्रतिदिनं
पाकक्रियायां नारिकेलखण्डाः अतीव उपयुज्यन्ते। नारिकेलतैलेन नारिकेलक्षीरेण च शष्कुली
प्रभृतीनि, नारिकेले
शर्करां घृतं च उपयुज्य बर्फ़ि इति स्वादूनि च क्रियन्ते। व्यञ्जनेषु
क्वथितेषु नारिकेलखण्डाः रुचिसंवर्धकाः भवन्ति॥
5. दैवतपूजासु, होमादिषु पूर्णकुम्भरूपेण नारिकेलं मङ्गलात्मकत्वात्
सर्वथा समाद्रियते। अतिथीन् सम्माननार्थं पूर्णनारिकेलं दीयते॥
6. मनुष्याणां नित्योपयोगे मुख्यतया केशवर्धनाय नारिकेलतैलं
बहूपकारकं भवति। शरीरे नारिकेलतैल-लेपनेन त्वक् संयक् परिपाल्यते। व्रणनिवारणाय नारिकेलतैलं
बहुधा उपकरोति। 7.शरीरोष्णतां निवारणार्थमपि नारिकेलतैलेन केशादिपादपर्यन्तं
लेपनं कृत्वा
किञ्चित्कालादनन्तरं स्नाननमाचरेत्॥ कृतज्ञताविषयमधिकृत्यापि,
तदुदाहरणार्थं, प्रथमवयसि पीतं तोय-मल्पं स्मरन्तः ...... न हि कृतमुपकारं साधवो
विस्मरन्ति इति नारिकेलं स्तूयते॥
No comments:
Post a Comment