देशेऽस्मिन् भारते सर्वैः
भारतीयैः गुरुपूर्णिमा इति पर्वदिवसः महता वैभवेन मन्यते। भारते
सर्वलोकस्य प्रिया भवति गुरुपूर्णिमा। सर्वे सर्वत्र भक्त्या एतां गुरुपूर्णिमां व्यासपूर्णिमा इति नाम्ना
जुह्वति। तदधिकृत्य किञ्चित् जानीमः -
1. भगवान्व्यासः
भारतवर्षे वेदानां ग्रन्थरूपेण त्राता, अष्टादश-पुराणानां स्रष्टा,
महाभारत-भागवत-ब्रह्मसूत्रमीमांसादि-ग्रन्थानां कर्ता। भारतीयस्य वाङ्मयस्य
मूलधर्ता, भारतीय-परम्परायाः अय-मेव गुरुः, अतः तत्सम्माननार्थं गुरुपूर्णिमा व्यासपूर्णिमा
इति परिगण्यते॥
2. अस्मिन् दिने सर्वे
गुरवः पूज्यन्ते। गुरूणां सेवया शिष्याणां मनोरथाः पूर्णाः भवन्ति। साधारणविद्यां
गुरवः कल्पलता-त्वेन शिष्याणां कृते प्रयच्छन्ति॥
3. गुरोः अधिकं
तत्त्वं वा अधिकं तपः वा नास्ति, तत्त्वज्ञानात् परमपि नान्यदस्ति। तद्बोधकाय गुरवे नमः।
ज्ञानाञ्जनशला-कया अज्ञानतिमिरान्धस्य चक्षुरुन्मीलनं करोति गुरुः। सः एव गुरुः एव
ब्रह्म-विष्णुः-परमेश्वरः- किं बहुना स एव साक्षात् परब्रह्म भवति, अतः तादृशं
गुरुं नमामः॥
4. सत्संप्रदाये सिद्धः, स्थिरः,अनघधीः, श्रोत्रियः,
ब्रह्मनिष्ठः, सत्त्वस्थः, सत्यवाक्, समयनियतः, साधुवृत्तिसमेतः, डम्भा-असूयादिमुक्तः,
जितविषयिगणः, दीर्घबन्धुः, दयालुः, शिष्यं स्खालित्ये शासिता, स्व-परहितपरः गुरुः
भवति। तादृशं गुरुम् उपगम्य ज्ञानं प्राप्नुमः, सुखं जीवामः॥
5.
"षडङ्गादि
वेदो मुखे शास्त्रविद्या
कवित्वादि पद्यं
सुगद्यं करोति।
मनश्चेत् न लग्नं
गुरोरङ्घ्रिपद्मे
ततः किं ततः किं ततः किं ततः किम्॥"
No comments:
Post a Comment