श्रीवैष्णवसंहिता इतिहासात्मिका कृतिरियं
श्रीकृष्णप्रेमीमहाप्रभुना
रचिता वर्तते। केचन पाश्चात्याः तथा अस्मदीयाः
विद्वत्तल्लजाः भारत-
राष्ट्रस्य इतिहासानरचयन्।
किन्तु ते सर्वे प्रायशः केवलं शासकानां
सार्वभौमानां तत्तत्सभालङ्कृत-पण्डितमण्डितप्रशस्तिभाजां यशोभूष-
णान्येव व्यलिखन्नतु भगवद्भक्तिपराणां भक्तशिरोमणीनां भागवताग्रेस-
राणां
साधूनां महिम्नः। भारतसंस्कृतिः भारतीयमुत हैन्दवम्
इति कथ्यते। भारतसंस्कृतिः
काव्यनाटकग्रन्थादिभिः
प्रतिपादितास्ति। भारतीयभागवतोत्तमाः साधवः महर्षयः
दिव्यसूरयः
अस्माकं भारतं देशं भारतीयां संस्कृतिं च रक्षितवन्तः। एते ते
सर्वलोक-
प्रकाशकाः ज्ञानदीपाः। श्रीवैष्णवसंहिता एषां ज्ञानदीपानां
सांस्कृतिकजीवनानि प्रकाशयति।
श्रीकृष्णप्रेमीमहाप्रभुः श्री श्री अण्णा इति
प्रेम्णा द्रमिडभाषायां
आहूयते तच्छिष्यैः। एषः श्रीगोविन्दशतकम्, श्रीराघवशतकम्,
रुक्मिणी-
परिणयमहाकाव्यम्, राधिकाविलासचम्पूः
वसन्तोत्सवनाटकम्,
साहित्यसारणी, मीमांसामञ्जरी इत्यादीन् ग्रन्थान् विरचितवन्तः।
तैस्सह वयमपि अस्मिञ्छताब्दे वसाम इति परमानन्दविषयः।।
No comments:
Post a Comment