केरल कान्तिः

                   


पल्लवी :-

वन्दे मातृभुवं वन्दे वन्दे मलयालभुवं वन्दे II
परशुरामसंस्कारितां पद्मनाभसम्पालिताम् I    
पन्नग वेष्टित मलयद्रुमां संतत वृष्टि सुनिलयां ध्रुवाम् II
                                                      II वन्दे मातृभुवं... II
अनुपल्लवी :-

मोहिनी कथकलि तुल्लल् तेय्यं तिरुवादिरै पूरम् ओणम् अक्षय्यम् I 
बहु विध विभवैर्नाट्यैर्युक्तां  बहुजनप्रियकरसुमहस्सक्ताम्  II
                                                    II वन्दे मातृभुवं... II

चरणम् :-

अगणित गुणगण पण्डित मण्डितां  नगवर निभ बहु गजगण भूतुण्डिताम्  I
सुरगण सुखशुभ वितरण ललितां अनुसृत बहुमत निजजन कलिताम्  II

साक्षरता लसद् भारत शिरस्कां षष्टिभिः वर्षैः प्राप्त सुवयस्काम् I
विजयतु केरल सुन्दर माता तस्यै दद्यात् वर्ष शतादि विधाता II 
                                                    II वन्दे मातृभुवं... II