श्रीसरस्वतीस्तुतिः

                 

          

                

कृपां कुरु जगन्मातः मामेवं हततेजसम् I 

गुरुपाशात्स्मृतिभ्रष्टं विद्याहीनं च दुःखितम् II 1 II  

ज्ञानं देहि स्मृतिं देहि शक्तिं शिष्यप्रबोधिनीम् I 

ग्रन्थकर्तृत्वशक्तिं च सुशिष्यम् सुप्रतिष्ठितम् II  2 II 

त्वं संस्तुता पूजिता च मुनीन्द्रैर्मनुमानवैः I       

दैत्येन्द्रैश्च सुरैश्चापि ब्रह्मविष्णुशिवादिभिः II  3 II 

जडीभूतः सहस्रास्यः पञ्चवक्त्रचतुर्मुख:I 

यां स्तोतुं किमहं स्तौमि तामेकास्येन मानवः II  4 II 

इत्युक्त्वा याज्ञवल्क्यश्च भक्तिनम्रात्मकन्धरः I 

प्रणनाम निराहारो  रुरोद च मुहुर्मुहुः II 5 II