"आहारप्रमादः सर्वप्रमादः" इति वदति भगवदज्जु कीयमिति प्रहसनरूपात्मकं नाटकम्। "अन्नमयं हि सौम्यमनः" आहारशुद्धौ हि सत्त्वशुद्धिः" इति च श्रूयते। आहारविषयमधिकृत्य,
1. वेङ्कटनाथः
इति श्रीमद्वेदान्तदेशिकः क्रिस्तोः परं त्रयोदशशताब्दीयः आचार्यसार्वभौमः,
आहारनियमम् इति द्रमिडभाषायाम् ग्रन्थरत्नमेकं विरचयामास॥
2. तत्र एकविंशति
पद्यानि सन्ति। एकं पद्यं अष्टपदात्मिकम् अस्ति॥
3. तत्र अधिकतया एतादृशानि अन्न-पान-विधानि
अस्माभिः अवश्यं वर्जनीयानि इति अर्थात् रजो-गुणवर्धकानि तमो-गुणविवर्धकानि
आहारमयानि त्यक्तव्यानि इति उक्तानि।
शाकादीनि, तण्डुलादीनि अग्नौ पचनं कृत्वा भोक्तव्यानि,
पर्युषितहीनानि भार्ज्यानि, अपूपाः, रोटिका, पुराणमधूनि एव भोजनार्हाणि, नूतममधूनि
त्याज्यानीति च संयक् सूचितानि॥
4.आहारविषयमधिकृत्य "आयुस्सत्त्व-बलारोग्य-सुख-प्रीति- विवर्धनाः।
रस्याः स्निग्धाः स्थिराःहृद्याः आहाराः सात्त्विकप्रियाः"॥ इति श्रीमद्भगवद्गीतायां,
"यथाहारः तथा वुद्धिः" इति मनुस्मृत्यां च उक्तान् विषयानाधारी-कृत्य, हितैषिभिः
सज्जनैः सत्त्वगुणसंवर्धने सात्त्विकाः आहाराः एव सेव्याः अर्थात् स्वीकरणीयाः इति
निर्धारयति श्रीमद्वेदान्तदेशिकः॥
No comments:
Post a Comment