श्रीदेवी-त्रिपुरसुन्दरी-पदवर्णम्

पल्लवी :-

कलयामि कालीं करुणा वर्धित कालिदास वाग्-विशेषिणीम्  I

पूर्ण चन्द्र निभाननां पुरस्कृताभिराम भट्ट विचक्षिणीम्       II  

                                                        

                                               कलयामि कालीं ...

अनुपल्लवी :-

कन्यां शुचीन्द्रमनोहरां खण्डित खल दनुज बाणासुराम्   I 

स्वयं प्रभूतां सुवर्णरेखां शङ्करगुरुनुतशङ्करीं  भगवतीम्  II

चिन्मयीं चिन्तित वराप्रदां शिवकरीं चिच्छक्तिकूटात्मिकाम् I 

श्रीचक्रारूढां चलन्मीननेत्रां षाड्गुण्यपूर्णां शिवाम् II 

                                              कलयामि कालीं ...

चरणम् :-

त्रिपुरारिनेत्राग्नि संजात भाण्डासुरारिणीं त्रिपुरसुन्दरीम् I

त्रैलोक्यनाथात्त साम्राज्य सौभाग्य पट्टाभिषिक्तां सतीम् II 

श्रीविष्णुमायात्तसेनान्वितां दशधाSSक्रोष संयुक्त सङ्ग्रामिकाम् I

कामेश्वरास्त्र निर्दग्ध भाण्डासुरां ब्रह्मादि संसेव्य कामेन्द्र संजीविकाम् II            

                 

                                             कलयामि कालीं ...II 

कोकिलाः - sisugeetham ( Rhymes )

                                                  

कुक्कू  कुक्क्विति कूजन्ति कोकिलविहगाः विहरन्ति I  

      पक्वानि फलानि खादन्ति बालाः दृष्ट्वा नन्दन्ति       II 1 II  

चूते वृक्षे निवसन्ति चीत्कारं बहु जनयन्ति            I 

          काकान् दृष्ट्वा त्रस्यन्ते काकैरेव हि  पाल्यन्ते        II  2  II  

वसन्तकाले संप्राप्ते  वारं वारं कूजन्ति                 I

           श्रवणं मधुरं गमयन्ति सौख्यं मनः आप्नोति          II  3  II